ഹൈദരാബാദ്: ആന്ധ്രാപ്രദേശിലെ കിഴക്കന്‍ ഗോദാവരിയില്‍ യാത്രാ ബോട്ട് മുങ്ങി ഏഴുപേരെ കാണാതായി. യാത്രക്കാരില്‍ ഭൂരിഭാഗവും വിദ്യാര്‍ഥികളാണ്.

തലരിവാരിപാലത്തുനിന്ന് പശുവുലങ്കയിലേക്കു പോവുകയായിരുന്ന യാത്രാബോട്ടാണ് അപകടത്തില്‍പെട്ടത്. ഗൗതമി നദിയില്‍ പാലം നിര്‍മിക്കാനുള്ള തൂണുകളിലൊന്നിലിടിച്ചാണ് ബോട്ട് അപകടത്തില്‍പെട്ടത്. ഗോദാവരിയുടെ കൈവഴിയാണിത്.
സംഭവസമയത്ത് 40 പേര്‍ ബോട്ടിലുണ്ടായിരുന്നു. ദേശീയ ദുരന്തനിവാരണ സേനയും സംസ്ഥാന ദുരന്തനിവാരണസേനയും സ്ഥലത്തെത്തി രക്ഷാപ്രവര്‍ത്തനത്തിലേര്‍പ്പെട്ടു. നദിയില്‍ നല്ല കുത്തൊഴുക്ക് അനുഭവപ്പെടുന്നതിനാല്‍ രക്ഷാപ്രവര്‍ത്തനം ഏറെ ശ്രമകരമായിരുന്നു.