മലപ്പുറം: വെട്ടുപാറ സി.എച്ച് സെന്ററിന്റെ ഒന്നാം വാര്‍ഷികം നാളെ വൈകിട്ട് ഏഴിന് പാണക്കാട്ട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. കെ.എം.സി.സി നേതാവ് അന്തരിച്ച കെ.വി ഗഫൂറിന്റെ പേരില്‍ ഏര്‍പ്പെടുത്തിയ പുരസ്‌കാരം ചടങ്ങില്‍  മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലികുട്ടി  ഡോ. എ ശരീഫ് കുഞ്ഞിനു സമ്മാനിക്കും.
അവാര്‍ഡ് തുക കൈമാറ്റവും അനുമോദന പ്രസംഗവും ഇ.ടി മുഹമ്മദ് ബഷീര്‍ എം.പി നിര്‍വഹിക്കും. മഹല്ല് സെക്രട്ടറിയായിരുന്ന  അബ്ദുല്ല കുട്ടി മാസ്റ്ററുടെ പേരില്‍ നിര്‍ധനനായ ദര്‍സ് വിദ്യാര്‍ഥിയുടെ കുടുംബത്തിനു കൊടകില്‍ നിര്‍മിച്ചുനല്‍കുന്ന ഭവനത്തിന്റെ താക്കോല്‍ദാനം റഷീദലി തങ്ങള്‍ നിര്‍വഹിക്കും. കുടുംബ സംഗമത്തില്‍ അബ്ദുസമദ് പൂക്കോട്ടൂര്‍ പ്രസംഗിക്കും.  ടി.വി ഇബ്രാഹീം എം.എല്‍.എ, ഡി.സി.സി പ്രസിഡന്റ് വി.വി പ്രകാശ്, കെ.വി.എ സലാം,  കെ.പി സഈദ്, പി.എ ജബ്ബാര്‍ ഹാജി, പയേരി കുഞ്ഞ് മുഹമ്മദ് തുടങ്ങിയവര്‍ പങ്കെടുക്കും. വാര്‍ത്താ സമ്മേളനത്തില്‍ ചെയര്‍മാന്‍ റഹ്മാന്‍ വെട്ടുപാറ, കെ.വി കുഞ്ഞാന്‍, കെ.പി നൗഷാദ്, എം.സി സലാം, കെ.വി ബിച്ചി, മുനീര്‍ കടവ്, വി.ടി വാരിസ്, നവാസ് എടശ്ശേരിക്കടവ് പങ്കെടുത്തു.