തിരുവനന്തപുരം: പ്രളയബാധിതരുടെ കണ്ണീരൊപ്പാന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഖത്തറിലെ പ്രമുഖ ബിസിനസ് ഗ്രൂപ്പായ സഫാരി 50 ലക്ഷം രൂപയുടെ ചെക്ക് കൈമാറി.
സഫാരി ഗ്രൂപ്പ് മാനേജിങ് ഡയരക്ടര്‍ അബൂബക്കര്‍ മഠപ്പാട്ട്, സഫാരി ഗ്രൂപ്പ് ഡയരക്ടറും ജന. മാനേജരുമായ സൈനുല്‍ ആബിദീന്‍ എന്നിവര്‍ ചേര്‍ന്നാണ് നിയമസഭാ സ്പീക്കര്‍ പി. ശ്രീരാമകൃഷ്ണന്റെ സാന്നിധ്യത്തില്‍ മുഖ്യമന്ത്രിക്ക് ചെക്ക് കൈമാറിയത്. സഫാരി മാനേജ്‌മെന്റിനൊപ്പം ജീവനക്കാരുടെ ഒരു ദിവസത്തെ ശമ്പളവും ചേര്‍ത്താണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് തുക നല്‍കിയത്. എല്ലാ മലയാളികളും തങ്ങളുടെ ഒരു മാസത്തെ വരുമാനം ദുരിതാശ്വാസനിധിയിലേക്ക് സംഭാവന നല്‍കണമെന്ന മുഖ്യമന്ത്രിയുടെ അഭ്യര്‍ഥന മാനിച്ച് സഫാരി ഗ്രൂപ്പ് മാനേജ്‌മെന്റും സ്റ്റാഫും ഈ കര്‍മപദ്ധതിക്ക് തുടക്കംകുറിച്ചിട്ടുണ്ട്.