മലപ്പുറം: മുഖ്യമന്ത്രിയുടെ ദുരിതാശ്വാസ നിധിയിലേക്ക് ഈ മാസം പത്തുമുതല്‍ 15 വരെ ഫണ്ട് ശേഖരിക്കും. തുക കണ്ടെത്തുന്നതിന്റെ ഭാഗമായി താലൂക്കുകള്‍ കേന്ദ്രീകരിച്ച് വിപുലമായ കാംപയിന്‍ സംഘടിപ്പിക്കും. മന്ത്രി ഡോ. കെ.ടി ജലീല്‍ പ്രവര്‍ത്തനങ്ങള്‍ ഏകോപ്പിപ്പിക്കും. ആറിനകം വകുപ്പുകള്‍ക്ക് ടാര്‍ജറ്റ് തുക നിശ്ചയിച്ചു നല്‍കും. കുട്ടികള്‍ മുതല്‍ മുതിര്‍ന്നവര്‍ വരെയുള്ള ആളുകളില്‍ നിന്നും കുറഞ്ഞ തുകയുള്‍പെടെ കാംപയിനിലൂടെ സ്വരൂപിക്കുകയാണ് ലക്ഷ്യം. ജില്ലയുടെ ചുമതലയുള്ള എ.പി.എം മുഹമ്മദ് ഹനീഷിന്റെ നേതൃത്വത്തില്‍ ഇന്നലെ വകുപ്പുതല ഉദ്യോഗസ്ഥരുടെ യോഗം ചേര്‍ന്നു. കലക്ടര്‍ അമിത് മീണ അധ്യക്ഷനായി.