കൊച്ചി: വയലിനിസ്റ്റ് ബാലഭാസ്‌കറിന്റെ മരണവുമായി ബന്ധപ്പെട്ട കേസില്‍ കലാഭവന്‍ സോബി ജോര്‍ജിന് വീണ്ടും നുണപരിശോധന. ചൊവ്വാഴ്ച വീണ്ടും നുണപരിശോധനയ്ക്ക് ഹാജരാകാനാണ് സി.ബി.ഐ നോട്ടിസ് അയച്ചിരിക്കുന്നത്. ഇന്നലെ സോബിയ്ക്ക് നുണപരിശോധന നടത്തിയിരുന്നു. ചില കാര്യങ്ങളില്‍ കൂടി വ്യക്തത വരുത്താനുള്ളതിനാലാണ് വീണ്ടും നുണപരിശോധനയെന്ന് സി.ബി.ഐ അറിയിച്ചു.

ബാലഭാസ്‌കറിന്റെ മരണത്തിനുശേഷം ഉന്നയിച്ച ആരോപണങ്ങളെ തുടര്‍ന്നാണ് സോബിയുടെ നുണപരിശോധന നടത്താന്‍ സി.ബി.ഐ തീരുമാനിച്ചത്. ബാലഭാസ്‌കറിന്റേത് അപകട മരണമല്ലെന്നും കൊലപാതകമാണെന്നുമുള്ള ബന്ധുക്കളുടെ പരാതിയില്‍ സി.ബി.ഐ നടത്തുന്ന അന്വേഷണത്തിന്റെ ഭാഗമായാണ് നുണപരിശോധന. ചെന്നൈയിലെയും ദില്ലിയിലെയും ഫോറന്‍സിക് ലാബുകളില്‍ നിന്നെത്തിയ വിദഗ്ധരുടെ നേതൃത്വത്തിലാണ് നുണപരിശോധന.