കോഴിക്കോട്: മുസ്‌ലിം ലീഗ് നിയമസഭാ കക്ഷി നേതാവ് ഡോ. എം.കെ മുനീര്‍ എം.എല്‍.എയ്ക്ക് കോഴിക്കോട് സൗത്ത് നിയോജക മണ്ഡലം മുസ്‌ലിം ലീഗ് കമ്മിറ്റിയുടെ നേതൃത്വത്തില്‍ ഇന്ന് കുറ്റിച്ചിറയില്‍ പൗരസ്വീകരണം നല്‍കും. വൈകിട്ട് 6.30ന് തങ്ങള്‍സ് റോഡ് ജങ്ഷനില്‍ നിന്ന് വാദ്യമേളങ്ങളുടെ അകമ്പടിയോടെ മുനീറിനെ വേദിയിലേക്ക് ആനയിക്കും. തുടര്‍ന്ന് നടക്കുന്ന സ്വീകരണ സമ്മേളനം ഇ.ടി മുഹമ്മദ് ബഷീര്‍ ഉദ്ഘാടനം ചെയ്യും.
മുനവ്വറലി ശിഹാബ് തങ്ങള്‍, എം.എല്‍.എമാരായ കെ. മുരളീധരന്‍, കെ.എം ഷാജി, പി. ഉബൈദുല്ല, ഡി.സി.സി പ്രസിഡന്റ് ടി. സിദ്ദീഖ്, എം.സി മായിന്‍ ഹാജി, അഡ്വ. പി.എം.എ സലാം, എന്‍.സി അബൂബക്കര്‍, ഉമര്‍ പാണ്ടികശാല സംസാരിക്കും.