വള്ളുവമ്പ്രം: രോഗാതുരമാവുന്ന സമൂഹത്തില്‍ സാന്ത്വന പ്രവര്‍ത്തനങ്ങളുമായി ഇറങ്ങുന്ന യുവാക്കളെ സമൂഹം മാതൃകയാക്കണമെന്നു പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു. സ്പര്‍ശം പൂക്കോട്ടൂര്‍ കെ.ഐ മുഹമ്മദാജി മെമോറിയില്‍ ചാരിറ്റബിള്‍ സോസൈറ്റിയുടെ ഹോം കെയര്‍ വാഹനസമര്‍പ്പണ ചടങ്ങില്‍ ഉദ്ഘാടനം നിര്‍വഹിക്കുകയായിരുന്നു തങ്ങള്‍.
സ്പര്‍ശം പ്രസിഡന്റ് പി.എ സലാം അധ്യക്ഷനായി. മെഡിക്കല്‍ എയ്ഡ് സെന്ററിന്റെ ഉദ്ഘാടനം പി.ഉബൈദുള്ള എംഎല്‍എ നിര്‍വഹിച്ചു. മെഡിക്കല്‍ എയ്ഡ് സെന്ററിലേക്കു മുതിരിപ്പറമ്പു മഹല്ല് കമ്മിറ്റി സമാഹരിച്ച മരുന്നുകള്‍ തങ്ങള്‍ ഏറ്റുവാങ്ങി.
കെ.മുഹമ്മദുണ്ണി ഹാജി, എ.എം കുഞ്ഞാന്‍, ഹസ്സന്‍ സഖാഫി പൂക്കോട്ടൂര്‍, എം.ടി അലി, കെ.എം അക്ബര്‍, അഡ്വ. കാരാട്ട് അബ്ദുറഹിമാന്‍, കെ.പി ഉണ്ണീതു ഹാജി, കെ.മന്‍സൂര്‍ എന്ന കുഞ്ഞിപ്പു, ജഅ്ഫര്‍ പറേങ്ങാട്ട്, ഷംസു വട്ടോളി, മുജീബ് കൊടക്കാടന്‍, കേയത്ത് പോക്കര്‍ ഹാജി, എ.ഹംസ ഹാജി, കെ.ഇസ്മായീല്‍ മാസ്റ്റര്‍, വി.പി സലീം, കെ.അസീസ് മാസ്റ്റര്‍, വി.യൂസുഫ് ഹാജി, കൊടക്കാടന്‍ ഉസ്മാന്‍, മോഴിക്കല്‍ ഇസ്മായീല്‍, കെ.നവാഫ്, കെ.ഫാരിസ്, എന്‍.പി അക്ബര്‍, നിസാര്‍ കാടേരി, കെ.ജംഷീര്‍, സി.ടി നൗഷാദ്, കെ.മന്‍സൂര്‍ സംസാരിച്ചു.