പേരാമ്പ്ര: സംസ്ഥാന പാതയില്‍ വടകര ജങ്ഷനില്‍ കുറ്റ്യാടി റോഡില്‍ നിയന്ത്രണംവിട്ട കാര്‍ നിര്‍ത്തിയിട്ട ബൈക്കിലും മറ്റൊരു കാറിലും ഇടിച്ചു. സംഭവത്തെ തുടര്‍ന്ന് ഏറെ നേരം ഗതാഗത തടസമുണ്ടായി. കുറ്റ്യാടി ഭാഗത്തേക്കു പോകുന്ന കാറാണ് അപകടം വരുത്തിയത്.
റോഡിന്റെ ഇടതുഭാഗത്ത് സൈഡില്‍ നിര്‍ത്തിയിട്ട ബൈക്കിനെ ഇടിച്ച ശേഷം മറ്റൊരു കാറിനെയും ഇടിച്ചാണ് കാര്‍ നിന്നത്. ഇരുവാഹനത്തിലും ഉണ്ടായിരുന്ന യാത്രക്കാര്‍ നിസാര പരുക്കുകളോടെ രക്ഷപ്പെട്ടു.
 ഇന്നലെ വൈകിട്ട് 4.30ഓടെയാണ് അപകടം നടന്നത്. പരുക്കേറ്റവരെ പേരാമ്പ്ര താലൂക്ക് ആശുപത്രിയിലും സഹകരണ ആശുപത്രിയിലും പ്രവേശിപ്പിച്ചു.