വളാഞ്ചേരി: അഞ്ചു ദിവസങ്ങളിലായി അത്തിപ്പറ്റ ഫത്ഹുല്‍ ഫത്താഹില്‍ നടന്നുവന്ന അത്തിപ്പറ്റ മുഹ്‌യിദ്ദീന്‍ കുട്ടി മുസ്‌ലിയാര്‍ രണ്ടാം ഉറൂസ് സമാപിച്ചു.
ഇന്നലെ രാവിലെ എട്ടിനു നടന്ന സ്വലാത്ത് മജ്‌ലിസിനു പൂക്കോയ തങ്ങള്‍ ബാഅലവി നേതൃത്വം നല്‍കി. ഫള്ല്‍ തങ്ങള്‍ മേല്‍മുറി പ്രാര്‍ഥന നിര്‍വഹിച്ചു. യു. കുഞ്ഞാലു ബാഖവി അത്തിപ്പറ്റ ഉദ്‌ബോധനം നടത്തി.
ഖാസിം കോയ തങ്ങള്‍ ബാഅലവി, സുലൈമാന്‍ ലത്വീഫി, അബ്ദുറഹ്മാന്‍ മുസ്‌ലിയാര്‍ ആനമങ്ങാട്, സമദ് ഫൈസി എടവണ്ണപ്പാറ സംസാരിച്ചു. സമാപന സംഗമം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു.
അബ്ദുസ്സലാം ഹുദവി ഓങ്ങല്ലൂര്‍, ഹബീബ് കോയ തങ്ങള്‍ മാവണ്ടിയൂര്‍, മുസ്തഫ നദ്‌വി എടയൂര്‍, ഹാശിം കോയ തങ്ങള്‍ വെട്ടിച്ചിറ, അബ്ദുല്‍ ജലീല്‍ ഹുദവി വേങ്ങൂര്‍ സംബന്ധിച്ചു.