വെള്ളറട: വീടിനു സമീപത്തെ  അനധികൃത പാറഖനനം അവസാനിപ്പിക്കാന്‍ നടപടി ആവശ്യപ്പെട്ട് വീട്ടമ്മ കലക്ടര്‍ക്കു പരാതി നല്‍കി. പന്നിമല ചങ്കിലി മേടയില്‍ വീട്ടില്‍ ക്രിസ്റ്റീനയാണ് പരാതി നല്‍കിയത്. ജാക്ഹാമര്‍ ഉപയോഗിച്ചുള്ള പാറഖനനത്തിന്റെ ഫലമായി വീടിന്റെ ചുമരുകള്‍ തകര്‍ന്ന് നാശനഷ്ടം സംഭവിച്ചുവെന്നും വില്ലേജ് അധികൃതര്‍ നഷ്ടപരിഹാരം നല്‍കാമെന്നു പറഞ്ഞുവെങ്കിലും പിന്നീട് പിന്‍വാങ്ങിയെന്നും  പരാതിയില്‍ പറയുന്നു.