കോഴിക്കോട്: നോമ്പും പെരുന്നാളും അടുത്ത് വരുന്ന സാഹചര്യത്തില്‍ കച്ചവടക്കാര്‍ക്കും പൊതുജനങ്ങള്‍ക്കും ബുദ്ധിമുട്ടുണ്ടാക്കാതെ മിഠായിത്തെരുവ് നവീകരണ പ്രവര്‍ത്തന ജോലികള്‍ എത്രയും പെട്ടെന്ന് പൂര്‍ത്തീകരിച്ചു ഗതാഗത സജ്ജമാക്കണമെന്ന് കാലിക്കറ്റ് ചേമ്പര്‍ ഓഫ് കൊമേഴ്‌സ് ആന്റ് ഇന്റസ്ട്രി ഭാരവാഹികള്‍ പറഞ്ഞു.
ഈ നവീകരണ ജോലികള്‍ ആരംഭിച്ച ശേഷം പൊതുവെ എല്ലാ കച്ചവടക്കാര്‍ക്കും തീരെ കച്ചവടം ഇല്ലാതായിരിക്കുകയാണ്. അത് കൊണ്ട് കഴിയുന്നതും വേഗം ജോലികള്‍ ത്വരിതപ്പെടുത്തി പദ്ധതി സമയബന്ധിതമായി പൂര്‍ത്തിയാക്കുവാന്‍ വേണ്ടപ്പെട്ടവര്‍ ശ്രദ്ധിക്കണം. പ്രസിഡന്റ് ശ്രീ.ഐപ്പ് തോമസ്, സെക്രട്ടറി ഡോ.എ.എം.ഷെരീഫ്, വൈസ് പ്രസിഡണ്ടുമാരായ ശ്രീ.ടി.പി.വാസു, ശ്രീ.സുബൈര്‍ കൊളക്കാടന്‍, ട്രഷറര്‍ ്രശീ.എം.കെ.നാസര്‍ തുടങ്ങിയവര്‍ ചേംബര്‍ ഹാളില്‍ ചേര്‍ന്ന യോഗത്തില്‍ പങ്കെടുത്തു.