തൃശൂര്‍: താല്‍ക്കാലിക മതില്‍ തകര്‍ന്നതിനെ ചൊല്ലിയുള്ള തര്‍ക്കത്തില്‍ റിട്ട. അധ്യാപകനെ യുവാക്കള്‍ സംഘം ചേര്‍ന്നു മര്‍ദിച്ചു.
വാക കുന്നത്തുള്ളി സുഗുണന്‍(78)നെയാണ് ഒരു കൂട്ടം യുവാക്കള്‍ ചേര്‍ന്ന് മര്‍ദിച്ചത്. തന്റെ വീടിനു സമീപം നിര്‍മിച്ച താല്‍ക്കാലിക മതില്‍ പൊളിഞ്ഞു വീണതിനെ ചൊല്ലി യുവാക്കളോട് അന്വേഷിച്ചതിന് തന്നെ മര്‍ദിക്കുകയായിരുന്നുവെന്നാണ് പരാതി. മര്‍ദനമേറ്റ സുഗുണനെ ത്യശൂര്‍ മെഡിക്കല്‍ കോളജില്‍ പ്രവേശിപ്പിച്ചു. പൊലിസില്‍ പരാതി നല്‍കിയെന്ന് മകന്‍ സിജു അറിയിച്ചു. യുവാക്കള്‍ ആക്രമിക്കുന്നതിന്റെ വിഡിയോ ദൃശ്യങ്ങളും പൊലിസിന് കൈമാറിയിട്ടുണ്ട്.