തിരുവനന്തപുരം: ഇന്ത്യ എ - ദക്ഷിണാഫ്രിക്ക എ ടെസ്റ്റ് പരമ്പരയിലെ ആദ്യ മത്സരം ഇന്നുമുതല്‍ 12 വരെ കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടക്കും. രാവിലെ ഒന്‍പതിനാണ് മത്സരം ആരംഭിക്കുന്നത്. ഏകദിന പരമ്പര 4-1ന് പിടിച്ചെടുത്ത ഇന്ത്യന്‍ ടീം തികഞ്ഞ ആത്മവിശ്വാസത്തിലാണ്. രണ്ട് മത്സരങ്ങളടങ്ങിയ ടെസ്റ്റ് പരമ്പര വിജയിച്ച് നാട്ടിലേക്ക് മടങ്ങാനുള്ള തന്ത്രങ്ങള്‍ മെനഞ്ഞാവും ദക്ഷിണാഫ്രിക്കന്‍ സംഘം ഇറങ്ങുക. ശുഭ്മാന്‍ ഗില്‍ നയിക്കുന്ന ഇന്ത്യന്‍ ടീമില്‍ വിജയ് ശങ്കറും മുഹമ്മദ് സിറാജും ഷാര്‍ദുല്‍ താക്കൂറും ഷഹബാസ് നദീമും ഉള്‍പ്പെട്ടിട്ടുണ്ട്. ദക്ഷിണാഫ്രിക്കന്‍ താരം എയ്ഡന്‍ മാര്‍ക്രം നയിക്കുന്ന ടീമില്‍ ഹെന്റിച്ച് ക്ലാസനും ലുങ്കി എന്‍ഗിഡിയും ഖയ സോന്‍ഡോയും അണി നിരക്കുന്നതോടെ ടെസ്റ്റ് ആവേശത്തിലാവും. അതേസമയം, കൃഷ്ണപ്പ ഗൗതമിന് പകരക്കാരനായി കേരള താരം ജലജ് സക്‌സേനയെ ഉള്‍പ്പെടുത്തിയിട്ടുണ്ട്.മത്സരം കാണുന്നതിനായി നാലാം ഗെയിറ്റിലൂടെ രാവിലെ 8.30 മുതല്‍ സ്‌പോര്‍ട്‌സ് ഹബ്ബിലേക്ക് കാണികള്‍ക്ക് പ്രവേശനം സൗജന്യമാണ്.
ഇന്ത്യ: ഋതുരാജ് ഗൈക്വാഡ്, അങ്കിത് ബവ്‌നേ, ശുഭ്മാന്‍ ഗില്‍ (ക്യാപ്റ്റന്‍), അന്‍മോല്‍പ്രീത് സിങ്, വിജയ് ശങ്കര്‍, റിക്കി ഭുവി, ശ്രീകര്‍ ഭരത് (വിക്കറ്റ് കീപ്പര്‍), ശിവം ദുബേ, ജലജ് സക്‌സേന, ഷഹ്ബാസ് നദീം, മുഹമ്മദ് സിറാജ്, ഷാര്‍ദുല്‍ ഠാക്കൂര്‍, തുഷാര്‍ ദേശ്പാണ്ഡേ,