ജിദ്ദ: സഊദിയിലെ വിവിധ മുന്‍സിപ്പാലിറ്റികള്‍ ശുചീകരണ തൊഴിലാളികള്‍ക്ക് സണ്‍ഷേഡുകള്‍ വിതരണം ചെയ്യാന്‍ തീരുമാനിച്ചു. തൊഴില്‍ മന്ത്രാലയം പ്രഖ്യാപിച്ചിരിക്കുന്ന മൂന്ന് മാസത്തെ ഉച്ചവിശ്രമം വ്യാഴാഴ്ച ആരംഭിക്കാനിരിക്കെയാണ് നടപടി. 6,000ത്തോളം സണ്‍ഷേഡുകള്‍ വിതരണം ചെയ്യാനാണ് റിയാദ് മുന്‍സിപ്പാലിറ്റി കോണ്‍ട്രാക്ടര്‍മാര്‍ക്ക് നിര്‍ദേശം നല്‍കിയിരിക്കുന്നത്.
തബുക്ക് മുന്‍സിപ്പാലിറ്റിയും സണ്‍ഷേഡേകള്‍ നല്‍കാന്‍ തീരുമാനിച്ചിട്ടുണ്ട്. ഖാസിം മുന്‍സിപ്പാലിറ്റിയുടെ കീഴിലുള്ള എല്ലാ തൊഴിലാളികള്‍ക്കും സണ്‍ഷേഡുകള്‍ വിതരണം ചെയ്ത് കഴിഞ്ഞതായി അധികൃതര്‍ അറിയിച്ചു. 15 മുതല്‍ സെപ്തംബര്‍ 15വരെ നീണ്ടുനില്‍ക്കുന്നതാണ് ഉച്ചവിശ്രമം. ഇത് പ്രകാരം ഉച്ചയ്ക്ക് 12 മുതല്‍ വൈകിട്ട് മൂന്നുവരെ സൂര്യപ്രകാശം നേരിട്ട് പതിക്കുന്ന ജോലികള്‍ ചെയ്യിക്കുന്നതിന് നിയന്ത്രണം ഏര്‍പ്പെടുത്തിയിട്ടുണ്ട്.