കൊച്ചി: ഫ്‌ളക്‌സ് നിരോധന ഉത്തരവ് സ്റ്റേ ചെയ്യണമെന്ന പ്രിന്റേഴ്‌സ് അസോസിയേഷന്റെ ഇടക്കാലാവശ്യം ഹൈക്കോടതി ഡിവിഷന്‍ ബെഞ്ചും നിരസിച്ചു.
ഫ്‌ളക്‌സ് നിരോധിച്ച സര്‍ക്കാര്‍ ഉത്തരവിനെതിരേ പ്രിന്റേഴ്‌സ് അസോസിയേഷന്‍ സമര്‍പ്പിച്ച അപ്പീല്‍ ആക്ടിങ് ചീഫ് ജസ്റ്റിസ് സി.കെ അബ്ദുള്‍ റഹീം അധ്യക്ഷനായ ഡിവിഷന്‍ ബെഞ്ച് കൂടുതല്‍ വാദത്തിനായി മാറ്റി. ഫ്‌ളക്‌സ് പുനരുപയോഗിക്കാനാവുമെന്നും നിരോധനം ഈ മേഖലയെ തകര്‍ക്കുമെന്നും ചൂണ്ടിക്കാട്ടിയാണ് പ്രിന്റേഴ്‌സ് അസോസിയേഷന്റെ ഹരജി.
മൈസൂരുവില്‍ ഫ്‌ളക്‌സ് റീസൈക്കിള്‍ പ്ലാന്റുണ്ടെന്ന ഹരജിക്കാരുടെ വാദം സര്‍ക്കാര്‍ തള്ളി. ഇത്തരത്തിലുള്ള പ്ലാന്റ് പ്രവര്‍ത്തിക്കുന്നില്ലെന്ന് സര്‍ക്കാര്‍ കോടതിയെ അറിയിച്ചു.