തലശ്ശേരി: ധര്‍മടം മീത്തലെപീടിക-പരീക്കടവ് റോഡ് പരിസരത്ത് തെരുവുനായ ശല്യം രൂക്ഷം.
കഴിഞ്ഞ ദിവസം പ്രദേശത്തെ ഒരു വിദ്യാര്‍ഥിയുടെ പിന്നാലെ തെരുവുനായ കടിക്കാനെത്തിയപ്പോള്‍ നാട്ടുകാര്‍ രക്ഷപ്പെടുത്തുകയായിരുന്നു.
വഴിയാത്രക്കാരും തെരുവുനായ ശല്യം മൂലം ഭയന്നാണ് ഇതുവഴി കടന്നുപോകുന്നത്.
പഞ്ചായത്ത് അധികൃതര്‍ക്ക് പരാതി നല്‍കിയെങ്കിലും വേണ്ട നടപടികള്‍ സ്വീകരിച്ചില്ലെന്ന് നാട്ടുകാര്‍ പരാതിപ്പെട്ടു.