പെരുമ്പാവൂര്‍: ഇന്ദിരാഗാന്ധി ജന്മശതാബ്ദിയാഘോഷങ്ങളുടെ ഭാഗമായി കോണ്‍ഗ്രസ് (ഐ) നെടുംതോട് 98-ാം നമ്പര്‍ ബൂത്ത് കമ്മിറ്റിയുടെ നേതൃത്വത്തില്‍ കുടുംബസംഗമം നടത്തി. യു.ഡി.എഫ് കണ്‍വീനര്‍ പി.പി തങ്കച്ചന്‍ ഉദ്ഘാടനം ചെയ്തു.
ബൂത്ത് പ്രസിഡന്റ് എം.കെ മൊയ്തീന്‍കുഞ്ഞ് അദ്ധ്യക്ഷത വഹിച്ചു. കെ.പി.സി.സി നിര്‍വാഹക സമിതിയംഗം കെ.പി ബാബു മുഖ്യപ്രഭാഷണം നടത്തി. കുടുംബസംഗമത്തോടനുബന്ധിച്ച് നടന്ന വിദ്യാഭ്യാസ അവാര്‍ഡ് വിതരണം അഡ്വ. എല്‍ദോസ് കുന്നപ്പിള്ളി എം.എല്‍.എ നിര്‍വഹിച്ചു. പൊതു പ്രവര്‍ത്തനരംഗത്തെ മികച്ച വ്യക്തിത്വങ്ങള്‍ക്കുള്ള ഉപഹാരങ്ങള്‍ കെ.പി.സി.സി സെക്രട്ടറി സക്കീര്‍ ഹുസൈന്‍ വിതരണം ചെയ്തു. കെ.പി.സി.സി മെമ്പര്‍ കെ.എം.എ സലാം മുതിര്‍ന്ന പൗരന്മാരെ ആദരിച്ചു.
ഡാനിയേല്‍ മാസ്റ്റര്‍, വി.എം ഹംസ, ബാബു ജോണ്‍, എന്‍.എ റഹിം, എം.എം ഷാജഹാന്‍, എം.കെ ഖാലിദ്, എം.പി ജോര്‍ജ്, കെ.എന്‍ സുകുമാരന്‍, എല്‍ദോ മോസസ്, രാജു മാത്താറ, അലി മൊയ്തീന്‍, ജോളി ബേബി, വി.എച്ച് മുഹമ്മദ്, റ്റി.എം കുര്യാക്കോസ്, സി.എ നിസാര്‍, കെ.എം താജുദ്ദീന്‍, എം.എ ഷെരീഫ്, റ്റി.എ ഷാജഹാന്‍, ജോജി ജേക്കബ്, ഷിഹാബ് പള്ളിക്കല്‍, വി.എ മുഹമ്മദാലി എന്നിവര്‍ സംബന്ധിച്ചു.