ഗുവാഹത്തി: അടച്ചിട്ട സ്റ്റേഡിയത്തില്‍ നടന്ന മത്സരത്തില്‍ ജയം സ്വന്തമാക്കി ബംഗളൂരു എഫ്.സി. ഇന്നലെ ഗുവാഹത്തിയില്‍ നടന്ന മത്സരത്തില്‍ എതിരില്ലാത്ത രണ്ട് ഗോളിന് നോര്‍ത്ത് ഈസ്റ്റ് യുനൈറ്റഡിനെയാണ് ബംഗളൂരു തകര്‍ത്തത്.
ജയത്തോടെ പോയിന്റ് പട്ടികയില്‍ ഒന്നാമതെത്താനും ബംഗളൂരുവിന് കഴിഞ്ഞു. കഴിഞ്ഞ മത്സരത്തില്‍ മുംബൈ സിറ്റിയോട് 2-3 ന്റെ തോല്‍വിയേറ്റു വാങ്ങിയ ബംഗളൂരു ശക്തമായ തിരിച്ചുവരവാണ് ഇന്നലെ നടത്തിയത്. ഗോള്‍രഹിതമായ ആദ്യ പകുതിക്കു ശേഷമാണ് രണ്ട@ു ഗോളുകളും പിറന്നത്.
സുനില്‍ ഛേത്രിയുടെ വകയായിരുന്നു ആദ്യ ഗോള്‍. 68-ാം മിനിട്ടില്‍ പെനാല്‍ട്ടിയിലൂടെയാണ് ഛേത്രി വല കുലുക്കിയത്. നിശ്ചിത സമയം അവസാനിക്കാന്‍ 10 മിനിട്ട് ബാക്കിയുള്ളപ്പോള്‍ ബംഗളൂരുവിന്റെ വിജയമുറപ്പിച്ച് ആല്‍ബെര്‍ട്ട് സെറാന്‍ ഗോള്‍ പട്ടിക പൂര്‍ത്തിയാക്കി.
ഹെഡ്ഡറിലൂടെയാണ് താരം ലക്ഷ്യം കണ്ടണ്ടത്. ഇന്ന് നടക്കുന്ന മത്സരത്തില്‍ ജംഷഡ്പുര്‍ എഫ്.സി മുംബൈ സിറ്റിയെ നേരിടും.