കല്‍പ്പറ്റ: ശംസുല്‍ ഉലമയുടെയും കണ്ണിയത്ത് ഉസ്താദിന്റെയും അനുസ്മരണവും പ്രാര്‍ഥനാ സദസും ജനുവരി അഞ്ചിന് രാവിലെ 10 മുതല്‍ കല്‍പ്പറ്റ സമസ്ത ജില്ലാ കാര്യാലയത്തില്‍ നടത്താന്‍ സമസ്ത കേരളാ ജംഇയ്യത്തുല്‍ ഉലമാ ജില്ലാ കമ്മിറ്റി യോഗം തീരുമാനിച്ചു.
മഹല്ല് ഖത്വീബുമാര്‍, കമ്മിറ്റി ഭാരവാഹികള്‍, സംഘടനാ പ്രവര്‍ത്തകര്‍ പരിപാടിയില്‍ പങ്കെടുക്കണമെന്ന് യോഗം അഭ്യര്‍ഥിച്ചു. ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി. വി. മൂസക്കോയ മുസ്‌ലിയാര്‍ പ്രാര്‍ഥന നടത്തി.
എസ്. മുഹമ്മദ് ദാരിമി , എം. ഹസന്‍ മുസ്‌ലിയാര്‍, എ.കെ ഇബ്‌റാഹീം ദാരിമി, പി. ഇബ്‌റാഹീം ദാരിമി, പി. അബ്ദുല്ല കുട്ടി ദാരിമി, ഇ. അബൂബക്കര്‍ ഫൈസി, ഇബ്‌റാഹീം ഫൈസി പേരാല്‍, എം.എ ഇസ്മായില്‍ ദാരിമി, കെ.വി ജഅ്ഫര്‍ ഹൈതമി, സി.എച്ച് അബൂബക്കര്‍ മുസ്‌ലിയാര്‍, കെ.എ മജീദ് ബാഖവി, വി.കെ അബ്ദുറഹ്മാന്‍ ദാരിമി, അബ്ദുറഹ്മാന്‍ ഫൈസി, പി.കെ അഷ്‌റഫ് ദാരിമി സംസാരിച്ചു.