കോഴിക്കോട്: സമസ്ത കേരള മുസ്്‌ലിം എംപ്ലോയീസ് അസോസിയേഷന്റെ മെമ്പര്‍ഷിപ്പ് കാമ്പയിനിന്റെ ഭാഗമായുള്ള ശില്‍പശാല ഇന്ന് ഉച്ചക്ക് 2ന് കോഴിക്കോട് സമസ്ത ഓഡിറ്റോറിയത്തില്‍ നടക്കും.
2019 ജനുവരി മുതല്‍ മാര്‍ച്ച് വരെ നീണ്ടു നില്‍ക്കുന്ന കാമ്പയിന്‍ കാലയളവില്‍ പുതിയ പതിനായിരം മെമ്പര്‍മാരെ ചേര്‍ക്കും.സര്‍ക്കാര്‍, അര്‍ധ സര്‍ക്കാര്‍, സ്വകാര്യ സ്ഥാപനങ്ങളില്‍ സേവനമനുഷ്ഠിക്കുന്ന ഉദ്യോഗസ്ഥരെയാണ് അംഗങ്ങളായി ചേര്‍ക്കുന്നത്. ശില്‍പശാലയുടെ ഉദ്ഘാടനം അഡ്വ.എ.സജ്ജാദ് നിര്‍വഹിക്കും.സംസ്ഥാന പ്രസിഡന്റ് ഡോ.എന്‍.എ എം.അബ്ദുല്‍ ഖാദര്‍ അധ്യക്ഷത വഹിക്കും.