അബൂദബി: യുഎഇയുടെ 53-ാം ദേശീയദിനത്തോടനുബന്ധിച്ച് ടെലികോം ഓപറേറ്ററായ എത്തിസാലാത്ത് (ഇ&) ചില ഉപയോക്താക്കൾക്ക് 53ജിബി സൗജന്യ ഡാറ്റ പ്രഖ്യാപിച്ചു. പോസ്റ്റ് പെയ്ഡ്‌, പ്രീ പെയ്‌ഡ്‌ ഉപയോക്താക്കളായ സ്വദേശികൾക്കും എല്ലാ പോസ്‌റ്റ് പെയ്‌ഡ് ഉപയോക്താക്കൾക്കും ഇന്ന് (30) മുതൽ ഡിസംബർ 7 വരെ ഉപയോഗിക്കാവുന്ന സൗജന്യ ഡാറ്റ പ്രഖ്യാപിച്ചത്.

പ്രീപെയ്‌ഡ് ഉപയോക്താക്കളായ പ്രവാസികൾക്ക് 30 ദിർഹത്തിനും അതിനുമുകളിലും ഉള്ള ഓൺലൈൻ റീചാർജുകൾക്ക് 53 ശതമാനം ഇളവ് ലഭിക്കും. അവ മൂന്ന് ദിവസത്തേയ്ക്ക് സാധുതയുള്ളതും പ്രാദേശികവും രാജ്യത്തിന് പുറത്തേയ്ക്കുമുള്ള കോളുകൾക്ക് ഉപയോഗിക്കാവുന്നതുമാണ്. 

നേരത്തെ, യുഎഇ ദേശീയ ദിനത്തോടനുബന്ധിച്ച് ടെലികോം ഓപറേറ്റർ ഡു ഉപയോക്താക്കൾക്ക് സൗജന്യ ഡാറ്റ പ്രഖ്യാപിച്ചിരുന്നു. നവംബർ 28 മുതൽ ഡിസംബർ 4 വരെ ലഭ്യമാകുന്ന രീതിയിൽ ഓഫറുകളുടെയും പ്രമോഷനുകളുടെയും ഒരു ശ്രേണി തന്നെ പ്രഖ്യാപിക്കുകയും ചെയ്‌തു. എല്ലാ ഡു പോസ്റ്റ്‌പെയ്‌ഡ് ഉപയോക്താക്കൾക്കും ഏഴ് ദിവസത്തേയ്ക്ക് സാധുതയുള്ള 53 ജിബി ദേശീയ ഡാറ്റ സൗജന്യമായി ലഭിക്കും. ഡിസംബർ 4 വരെയാണ് ഈ ഓഫർ ലഭിക്കുക.

 Etisalat is celebrating UAE's 53rd National Day by offering 53GB of free local data to eligible users, including postpaid customers and Emirati prepaid users, from November 30 to December 7.