വെള്ളാങ്ങല്ലൂര്‍ : സങ്കുചിതത്വമില്ലാത്ത സമൂഹം വളര്‍ന്നു വരണമെന്ന് വി.ആര്‍ സുനില്‍കുമാര്‍ എം.എല്‍.എ പറഞ്ഞു.
വെള്ളാങ്ങല്ലൂര്‍ റേഞ്ച് ജം ഇയ്യത്തുല്‍ മുഅല്ലിമീന്റെ 15-ാം ഇസ്‌ലാമിക കലാമേള ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കലാ സാംസ്‌കാരിക പ്രവര്‍ത്തനങ്ങളിലൂടെ ഇതിന് സാധിക്കണമെന്നും അദ്ദേഹം കൂട്ടിചേര്‍ത്തു. സ്വാഗതസംഘം ചെയര്‍മാന്‍ സി.പി മുഹമ്മദ് ഫൈസി അധ്യക്ഷനായി.
രക്ഷാധികാരി സി.കെ.സിദ്ധിക്ക് ഹാജി പതാക ഉയര്‍ത്തി. എം.കെ മോഹനന്‍, പി.കെ.എം.അഷ്‌റഫ്, സി.ഐ.അബ്ദുല്‍ അസീസ് ഹാജി, അനസ് നദ്‌വി, ഇബ്രാഹിം വടക്കന്‍, മുഹമ്മദ് നിസാര്‍, വി.എസ്.അബ്ദുല്‍ ജബ്ബാര്‍ തുടങ്ങിയവര്‍ പ്രസംഗിച്ചു.
റെയ്ഞ്ചിലെ 26 മദ്‌റസകളില്‍ നിന്നായി 500ല്‍ അധികം വിദ്യാര്‍ഥികളും അധ്യാപകരും കലാമേളയില്‍ പങ്കെടുത്തു.