കണ്ണൂര്‍: കണ്ണൂരില്‍ തെങ്ങ് ദേഹത്തേക്ക് വീണ് പത്തു വയസുകാരന് ദാരുണാന്ത്യം. പഴയങ്ങാടി മുട്ടം സ്വദേശികളായ മന്‍സൂറിന്റെയും സമീറയുടെയും പത്തു വയസുള്ള മകന്‍ നിസാലാണ് മരിച്ചത്. കണ്ണൂര്‍ പഴയങ്ങാടി മുട്ടത്താണ് സംഭവം. 

വീടിന് സമീപത്ത് ജെസിബി ഉപയോഗിച്ച് തെങ്ങ് പിഴുത് മാറ്റുകയായിരുന്നു. ഇത് കാണാനായാണ് പത്തു വയസുകാരന്‍ അവിടെ പോയി നിന്നിരുന്നത്. ജെസിബി ഉപയോഗിച്ച് തെങ്ങ് പിഴുതുമാറ്റുന്നതിനിടയില്‍ ദിശ തെറ്റി കുട്ടി നില്‍ക്കുന്ന സ്ഥലത്തേക്ക് മറിഞ്ഞ് വീഴുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ഉച്ചയോടെ മരണം സംഭവിക്കുകയായിരുന്നു. മുട്ടം വെങ്ങര മാപ്പിള യുപി സ്‌കൂളിലെ നാലാം ക്ലാസ് വിദ്യാര്‍ഥിയാണ് നിസാല്‍.