അങ്കാറ: തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്റെ ക്ഷണം സ്വീകരിച്ച് യു.എസ് പ്രസിഡന്റ് ഡൊണാള്‍ഡ് ട്രംപ്. അടുത്തവര്‍ഷം തുര്‍ക്കി സന്ദര്‍ശിക്കാനാണ് ഉര്‍ദുഗാന്‍ ട്രംപിനെ ക്ഷണിച്ചത്.

2019 ല്‍ ട്രംപ് തുര്‍ക്കിയില്‍ എത്തുമെന്നും എന്നാല്‍ തിയ്യതി നിശ്ചയിച്ചിട്ടില്ലെന്നും ഉര്‍ദുഗാന്റെ വക്താവ് ഇബ്‌റാഹിം കാലിന്‍ പറഞ്ഞു.

ഇക്കാര്യം വൈറ്റ് ഹൗസും സ്ഥിരീകരിച്ചിട്ടുണ്ട്. കഴിഞ്ഞ മേയില്‍ ട്രംപും ഉര്‍ദുഗാനും വൈറ്റ് ഹൗസില്‍ കൂടിക്കാഴ്ച നടത്തിയിരുന്നു.

സിറിയയില്‍ നിന്ന് അമേരിക്കന്‍ സൈന്യത്തെ പിന്‍വലിച്ചതിന്റെ പശ്ചാത്തലത്തിലാണ് ഉര്‍ദുഗാന്‍ ട്രംപിനെ ഫോണിലൂടെ വിളിച്ചതും രാജ്യത്തേക്ക് ക്ഷണിച്ചതും. ഇക്കാര്യത്തില്‍ ചര്‍ച്ച ചെയ്യാന്‍ യു.എസ് സൈനിക പ്രതിനിധികള്‍ ഈയാഴ്ച തുര്‍ക്കിയില്‍ എത്തുന്നുണ്ട്.