വരന്തരപ്പിള്ളി: എസ്.കെ.എസ്.ബി.വി ജില്ലാ കമ്മിറ്റിയുടെ ആഭിമുഖ്യത്തില്‍ 'നവോന്‍മേഷ ബാല്യം നവ സമൂഹത്തിന്' എന്ന പ്രമേയമുയര്‍ത്തിപ്പിടിച്ച് സംഘടിപ്പിച്ച ഖാഫില ജില്ലാ ക്യാംപ് വിദ്യാര്‍ഥികള്‍ക്ക് നവ്യാനുഭവമായി. വരന്തരപ്പിള്ളി നൂറുല്‍ഹുദാ മദ്‌റസയില്‍ നടന്ന ക്യാംപ് സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം ചെയ്തു. പാലപ്പിള്ളി റെയ്ഞ്ച് ജംഇയ്യത്തുല്‍ മുഅല്ലിമീന്‍ ജന: സെക്രട്ടറി ഇസ്മാഈല്‍ ഫൈസി അധ്യക്ഷനായി. വരന്തരപ്പിള്ളി മഹല്ല് ജന:സെക്രട്ടറി സി.എ അബ്ദുട്ടി ഹാജി പതാക ഉയര്‍ത്തി. വേലൂപ്പാടം മഹല്ല് ഖത്വീബ് അബ്ദുല്‍അസീസ് ദാരിമി പ്രാര്‍ഥന നിര്‍വഹിച്ചു. ശമീര്‍ അന്‍വരി മുഖ്യപ്രഭാഷണം നടത്തി. എസ്.കെ.ജെ.എം ജില്ലാ ട്രഷറര്‍ വി.മൊയ്തീന്‍കുട്ടി മുസ്‌ലിയാര്‍ അവാര്‍ഡ് ദാനം നടത്തി. സമസ്ത ലീഗല്‍ സെല്‍ ജില്ലാ സെക്രട്ടറി ബഷീര്‍ കല്ലേപ്പാടം ഷൗക്കത്തലി ദാരിമി, ഹംസ ചെമ്പന്‍, അബു മേച്ചേരി, അജ്മല്‍ ഫാഇസ് എം.എം സംസാരിച്ചു. സെഷന്‍ രണ്ടിന് സൈനുദ്ദീന്‍ ഒളവട്ടൂര്‍ നേതൃത്വം നല്‍കി. വരന്തരപ്പിള്ളി മഹല്ല് പ്രസിഡന്റ് എ.എം ഹുസൈന്‍ അരീപ്പുറം മുഖ്യാതിഥിയായി. സെഷന്‍ മൂന്നില്‍ നടന്ന കര്‍മ പദ്ധതി അവതരണത്തിന് ജില്ലാ പ്രസിഡന്റ് നാസിഫ് ചാവക്കാട് നേതൃത്വം നല്‍കി. സെഷന്‍ നാലില്‍ നടന്ന അനുഭവം സംസ്ഥാന ട്രഷറര്‍ മനാഫ് കോട്ടോപ്പാടം അവതരിപ്പിച്ചു. സെഷന്‍ അഞ്ചില്‍ നടന്ന 'നമ്മുടെ ലക്ഷ്യം' വളാഞ്ചേരി മര്‍കസ് പ്രിന്‍സിപ്പാള്‍ ടി.ബി റഫീഖ് വാഫി നേതൃത്വം നല്‍കി. സമാപന സെഷന്‍ ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയംഗം അബ്ദുല്ലക്കോയ ബാഖവി ഉദ്ഘാടനം ചെയ്തു. എസ്.കെ.ജെ.എം ജില്ലാ സെക്രട്ടറി ഇല്‍യാസ് ഫൈസി അധ്യക്ഷനായി. സലീം ഫൈസി, മൂസ ദര്‍സി, ഹംസ പോക്കാക്കില്ലത്ത്, അനസ് അലി, റബീഹ് കടപ്പുറം, ബിലാല്‍ തൊഴിയൂര്‍ സംസാരിച്ചു. തുടര്‍ന്ന് 'എന്റെ സ്വാതന്ത്ര്യം എന്റെ സന്ദേശം' എന്ന വിഷയത്തില്‍ എസ്.കെ.എസ്.ബി.വി സ്വാതന്ത്ര്യ ദിന സന്ദേശ മത്സരം നടത്തി.