ക്രൈസ്റ്റ്ചര്‍ച്ച്: ശ്രീലങ്കയെ മറികടന്നു രണ്ടാം ക്രിക്കറ്റ് ടെസ്റ്റില്‍ ന്യൂസിലന്‍ഡ് വിജയത്തിലേക്ക്. മൂന്നാംദിനം കളി നിര്‍ത്തുമ്പോള്‍ ന്യൂസിലന്‍ഡ് സമ്മാനിച്ച 660 റണ്‍സിന്റെ കൂറ്റന്‍ സ്‌കോര്‍ പിന്തുടരുന്ന ശ്രീലങ്ക രണ്ടിന് 24 റണ്‍സ് എന്ന നിലയിലാണ്.

രണ്ടണ്ട് ദിവസത്തെ കളി ശേഷിക്കെ ശ്രീലങ്കയ്ക്ക് ജയിക്കാനായി രണ്ടാം ഇന്നിങ്‌സില്‍ 636 റണ്‍സ് കൂടി വേണം. രണ്ടണ്ട് വിക്കറ്റ് നഷ്ടത്തില്‍ 231 റണ്‍സെന്ന നിലയില്‍ മൂന്നാംദിനം കളി ആരംഭിച്ച ന്യൂസിലന്‍ഡ് 585 റണ്‍സെടുത്ത് ഇന്നിങ്‌സ് ഡിക്ലയര്‍ ചെയ്തു.
കിവികളുടെ നാലു വിക്കറ്റുകള്‍ മാത്രമാണ് ശ്രീലങ്കയ്ക്ക് വീഴ്ത്താനായത്. ന്യൂസിലന്‍ഡിനായി ടോം ലതാം (176), ഹെന്റി നിക്കോള്‍സ് (162) എന്നിവര്‍ സെഞ്ചുറി നേടി.

ജീത് റാവല്‍ (74), കോളിന്‍ ഡി. ഗ്രാന്‍ഡോമി (71), കെയ്ന്‍ വില്യംസണ്‍ (48), റോസ് ടെയ്‌ലര്‍ (40) എന്നിവരാണ് മറ്റ് പ്രധാന സ്‌കോറര്‍മാര്‍.
നേരത്തെ, ഒന്നാംദിനം ആദ്യം ബാറ്റ് ചെയ്ത ന്യൂസിലന്‍ഡ് ആദ്യ ഇന്നിങ്‌സില്‍ 178 റണ്‍സിന് എല്ലാവരും പുറത്തായിരുന്നു. മറുപടി ബാറ്റിങിനിറങ്ങിയ ശ്രീലങ്കയുടെ ഒന്നാം ഇന്നിങ്‌സ് 104 റണ്‍സില്‍ അവസാനിച്ചു. ട്രെന്റ് ബോള്‍ട്ടിന്റെയും ടിം സൗത്തിയുടെയും ഉജ്ജ്വല ബൗളിങ്ങാണ് ശ്രീലങ്കയെ കുറഞ്ഞ സ്‌കോറില്‍ ഒതുക്കിയത്. ബോള്‍ട്ട് 6 വിക്കറ്റും സൗത്തി മൂന്ന് വിക്കറ്റും സ്വന്തമാക്കി.