തൊടുപുഴ: വളര്‍ന്നു വരുന്ന പുതുതലമുറയില്‍ ദേശസ്‌നേഹം ഊട്ടിയുറപ്പിക്കുന്നതിനായി നാമൊന്ന് നമുക്കൊരു നാട് എന്ന പ്രമേയത്തില്‍ സ്വാതന്ത്ര്യ ദിനത്തോടനുബന്ധിച്ച് സമസ്ത കേരള സുന്നി ബാലവേദി സംസ്ഥാനത്തുടനീളം നടത്തുന്ന സ്വാതന്ത്ര്യപ്പുലരി നാളെ ഇടുക്കി ജില്ലയിലെ വിവധ മദ്‌റസ യൂനിറ്റുകളില്‍ നടത്തും. രാവിലെ ഏഴിന് ആരംഭിക്കുന്ന പരിപാടിയില്‍ പതാക ഉയര്‍ത്തല്‍, പ്രതിജ്ഞ, സന്ദേശ പ്രസംഗം, സ്‌നേഹ സംഗമം, മധുര വിതരണം തുടങ്ങിയ പരിപാടികള്‍ ഉണ്ടാകും. സുന്നി ബാലവേദി മദ്‌റസ യൂനിറ്റുകളുടെ ആഭിമുഖ്യത്തില്‍ നടത്തപ്പെടുന്ന പരിപാടിയില്‍ മത സാമൂഹിക സാംസ്‌കാരിക നേതാക്കളെ പങ്കെടുപ്പിക്കുവാന്‍ ശ്രമിക്കണമെന്ന് സുന്നി ബാലവേദി ഇടുക്കി ജില്ലാ കമ്മിറ്റി ഭാരവാഹികള്‍ അറിയിച്ചു.