മലപ്പുറം: സ്വാതന്ത്ര്യദിനത്തില്‍ എ.ഐ.വൈ.എഫിന്റെ നേതൃത്വത്തില്‍ സംഘ്പരിവാര്‍ ഫാസിസത്തിനെതിരേ സമര ഐക്യസംഗമം സംഘടിപ്പിക്കും. ജില്ലയിലെ പെരുമ്പടപ്പ്, മംഗലം, പരിയാപുരം, ഒഴൂര്‍, വെളിയാമ്പ്രം, കോഹിനൂര്‍, കൊണ്ടോട്ടി, കിഴിശ്ശേരി, പൂക്കോട്ടുംപാടം, കാളികാവ്, പാണ്ടിക്കാട്, പന്തല്ലൂര്‍, വെള്ളില, പാലൂര്‍, വേങ്ങര, വളാഞ്ചേരി എന്നീ 16 കേന്ദ്രങ്ങളിലാണ് സംഗമം നടക്കുക.വിവിധ കേന്ദ്രങ്ങളില്‍ യുവജന റാലിയും ഐക്യദാര്‍ഢ്യ പ്രതിജ്ഞയും പൊതുസമ്മേളനവും നടക്കും. രാഷ്ട്രീയ, സാംസ്‌കാരിക രംഗത്തെ പ്രമുഖര്‍ പങ്കെടുക്കും.