മലപ്പുറം: മാലിന്യ സംസ്‌കരണത്തിനായി മലപ്പുറം നഗരസഭ ജൈവ മാലിന്യം വളമാക്കുന്ന ബയോ ബിന്നുകള്‍ സ്ഥാപിച്ചു. നഗരസഭയുടെ പാമ്പാട് ഫ്‌ളാറ്റില്‍ നാലും സിവില്‍ സ്റ്റേഷന്‍, താലൂക്കാശുപത്രി, ഗവ. ഗേള്‍സ്, ബോയ്‌സ് ഹൈസ്‌കൂള്‍ എന്നിവിടങ്ങളില്‍ ഓരോ ബയോ ബിന്നുകളുമാണ് സ്ഥാപിച്ചത്. പാമ്പാട് ഫ്‌ളാറ്റില്‍ നഗരസഭ ചെയര്‍പേഴ്‌സണ്‍ സി.എച്ച് ജമീല ടീച്ചര്‍ ഉദ്ഘാടനം ചെയ്തു.
വൈസ് ചെയര്‍മാന്‍ പെരുമ്പള്ളി സൈദ് അധ്യക്ഷനായി. സ്ഥിരംസമിതി അധ്യക്ഷരായ ഒ.പി റജീന ഹുസൈന്‍, മറിയുമ്മ ശരീഫ്, കൗണ്‍സിലര്‍മാരായ ഒ. സഹദേവന്‍, ഹാരിസ് ആമിയന്‍, സുമയ്യ അന്‍വര്‍, കുന്നത്തൊടി ഹംസ, സെക്രട്ടരി എന്‍.കെ കൃഷ്ണകുമാര്‍, അന്‍വര്‍ കൊന്നോല, ഇംതിയാസ്, തുടങ്ങിയവര്‍ പങ്കെടുത്തു.
സിവില്‍ സ്റ്റേഷനില്‍ നഗരസഭാധ്യക്ഷ സി.എച്ച് ജമീല ടീച്ചര്‍ ഉദ്ഘാടനം ചെയ്തു. എ.ഡി.എം ടി. വിജയന്‍, ഉപാധ്യക്ഷന്‍ പെരുമ്പള്ളി സൈദ്, സ്ഥിരംസമിതി ചെയര്‍മാന്‍ പി.എ സലീം, കൗണ്‍സിലര്‍ സലീന ടീച്ചര്‍ പങ്കെടുത്തു.