കോഴിക്കോട്: ജീവിതത്തെ കര്‍മം കൊണ്ട് ധന്യമാക്കിയ പൊതുപ്രവര്‍ത്തകനായിരുന്നു സി.പി മമ്മുവെന്ന് ഡോ. എം.കെ മുനീര്‍ എം.എല്‍.എ. മുന്‍ വര്‍ത്തക മണ്ഡലം പ്രസിഡന്റ് സി.പി മമ്മു സ്മാരക ട്രസ്റ്റ് അവാര്‍ഡ് പത്രപ്രവര്‍ത്തകന്‍ കെ.പി കുഞ്ഞിമൂസക്ക് സമ്മാനിച്ചു സംസാരിക്കുകയായിരുന്നു അദ്ദേഹം. കെ.പി കേശവമേനോന്‍ ഹാളില്‍ നടന്ന ചടങ്ങില്‍ സി.പി മുഹമ്മദ് ഷഫീഖ് അധ്യക്ഷനായി. സുപ്രഭാതം മാനേജിങ് എഡിറ്റര്‍ നവാസ് പൂനൂര്‍ അവാര്‍ഡ് ജേതാവിനെ പരിചയപ്പെടുത്തി. മുസ്‌ലിം ലീഗ് സംസ്ഥാന സെക്രട്ടറി എം.സി മായിന്‍ ഹാജി, പി.കെ മുഹമ്മദ്, നിഹ്മത്തുല്ല കോട്ടക്കല്‍, എം. ജോയ് വര്‍ഗീസ്, ഡോ. കെ. മൊയ്തു, പി.കെ അഹമ്മദ്, സി.പി കുഞ്ഞുമുഹമ്മദ്, പൂനൂര്‍ കെ. കരുണാകരന്‍, പി. അസൈനാര്‍ മാസ്റ്റര്‍, സി.പി ഇസ്മായില്‍, ടി.പി.എം ഹാഷിര്‍ അലി, ഡി.എസ് ജഅ്ഫര്‍ സംസാരിച്ചു. കെ.പി കുഞ്ഞിമൂസ മറുപടി പ്രസംഗം നടത്തി. സി.പി അഹമ്മദ് ഷബീര്‍ സ്വാഗതവും വി. ഷബീര്‍ നന്ദിയും പറഞ്ഞു.