ആനക്കര : തൃത്താല ബി.ആര്‍.സിയിലെ റിസോഴ്‌സ് അധ്യാപകരുടെ നേതൃത്വത്തില്‍ കല്ലടത്തൂര്‍ ഗോഖലെ ഗവ ഹയര്‍സെക്കന്ററി സ്‌കൂളില്‍ നടന്നു വന്നിരുന്ന മലയാളത്തിളക്കം' പരിപാടി സമാപിച്ചു. യു.പി ക്ലാസുകളില്‍ എഴുത്തിലും വായനയിലും എല്ലാ കുട്ടികളും മുന്നോക്കക്കാരായി മാറി' എന്ന വിജയപ്രഖ്യാപനത്തോടെ സമാപനം. വിജയപ്രഖ്യാപനവും കപ്പൂര്‍ ഗ്രാമപഞ്ചായത്ത് മെമ്പര്‍ ഗീതാജയന്തി നിര്‍വഹിച്ചു. എം.പി. ടി. എ പ്രസിഡന്റ് പ്രമീള അധ്യക്ഷതവഹിച്ചു.പദ്ധതിയുടെ വിശദീകരണം ബി.ആര്‍.സി റിസോഴ്‌സ് അധ്യാപകരായ രാജന്‍ , സുമ എന്നിവര്‍ നിര്‍വഹിച്ചു. കുട്ടികളുടെ വിവിധ പരിപാടികള്‍ അരങ്ങേറി. ഹെഡ്മിസ്ട്രസ്ഇന്‍ചാര്‍ജ് എ.വി. സിന്ധു, എം.സുധാ ദേവി, ടി.പി.ബീന രക്ഷിതാക്കള്‍ എന്നിവര്‍ സംബന്ധിച്ചു.