ന്യൂഡല്‍ഹി: ഹാദിയ കേസില്‍ സംസ്ഥാനസര്‍ക്കാരിനു വേണ്ടി ഹാജരായ അഭിഭാഷകന്‍ വി.വി ഗിരിയുടെ നിലപാട് ഇടതു സര്‍ക്കാരിന്റെ നയത്തിന് എതിരാണെന്ന് സി.പി.എം പോളിറ്റ്ബ്യൂറോ അംഗം വൃന്ദാകാരാട്ട്. കേസില്‍ യുവതിയുടെ അഭിപ്രായം കേള്‍ക്കുന്നതിന് മുന്‍പ് ഷെഫിന്‍ ജഹാനെതിരായ രേഖകള്‍ പരിശോധിക്കണമെന്ന എന്‍.ഐ.എയുടെ നിലപാടിനെ അഭിഭാഷകന്‍ പിന്തുണച്ച നടപടിയെയാണ് അവര്‍ വിമര്‍ശിച്ചത്. അതേസമയം സംസ്ഥാന വനിതാകമ്മിഷനുവേണ്ടി ഹാജരായ യുവ അഭിഭാഷകന്‍ പി.വി ദിനേശിന്റെ ഇടപെടലിനെ അവര്‍ പ്രശംസിക്കുകയുംചെയ്തു. ഹിന്ദു ദിനപത്രത്തില്‍ 'ഹാദിയ അവളുടെ ജീവിതത്തിന്റെ ചുമതല ഏറ്റെടുക്കട്ടെ' എന്ന് വ്യക്തമാക്കി എഴുതിയ ലേഖനത്തിലാണ് അവര്‍ തന്റെ അഭിപ്രായം പ്രകടിപ്പിച്ചത്.