കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോസ്ഥരെ കൊല്ലാന്‍ ഗൂഢാലോചന നടത്തിയെന്ന കേസിലെ ദിലീപ് ഉള്‍പ്പെടെ പ്രതികളുടെ ചോദ്യം ചെയ്യലിനിടെ തന്നെ വിളിച്ചുവരുത്തിയത് പ്രതികളുടെ ശബ്ദരേഖ തിരിച്ചറിയാന്‍ വേണ്ടിയാണെന്ന് സംവിധായകനും തിരക്കഥാകൃത്തുമായ വ്യാസന്‍ എടവനക്കാട്.

ബാലചന്ദ്രകുമാര്‍ നല്‍കിയ ശബ്ദരേഖയില്‍ ദിലീപ് അടക്കമുള്ള പ്രതികളുടെ ശബ്ദം വ്യാസന്‍ തിരിച്ചറിഞ്ഞതായാണ് വിവരം.

സംവിധായകനായ റാഫിയെയും ഗ്രാന്‍ഡ് പ്രൊഡക്ഷന്‍സ് മാനേജറെയും കഴിഞ്ഞദിവസം ക്രൈംബ്രാഞ്ച് ഓഫീസിലേക്ക് വിളിച്ചുവരുത്തിയിരുന്നു. റാഫി ദിലീപിന്റെ ശബ്ദം തിരിച്ചറിയുകയും ചെയ്തു. ഇതിനുപിന്നാലെയാണ് തെളിവുകള്‍ ബലപ്പെടുത്താനായി വ്യാസന്‍ എടവനക്കാടിനെയും ക്രൈംബ്രാഞ്ച് സംഘം വിളിച്ചുവരുത്തിയത്.

അതേസമയം, ചൊവ്വാഴ്ച രാത്രി എട്ടുമണിയോടെ ചോദ്യംചെയ്യലിനായി കോടതി അനുവദിച്ച സമയം അവസാനിക്കും.