ലഖ്‌നൗ
ഉത്തര്‍പ്രദേശിലെ രണ്ടാം ഘട്ട വോട്ടെടുപ്പ് നാളെ നടക്കും. അതേസമയം ഉത്തരാഖണ്ഡിലെയും ഗോവയിലെയും വോട്ടെടുപ്പും നാളെ പൂര്‍ത്തിയാകും. ഗോവയില്‍ 40 സീറ്റിലേക്കും ഉത്തരാഖണ്ഡിൽ 70 സീറ്റിലേക്കുമാണ് വോട്ടെടുപ്പ് നടക്കുന്നത്.  ഗോവയില്‍ ആം ആദ്മി പാര്‍ട്ടി ഇത്തവണ ശക്തമായി രംഗത്തുണ്ട്. ഉത്തരാഖണ്ഡിൽ കോണ്‍ഗ്രസിനും ബി.ജെ.പിക്കും ഇടയില്‍ കടുത്ത മത്സരം നടക്കുന്നു എന്നാണ് സര്‍വേകള്‍ നല്കിയ സൂചന.

യു.പിയില്‍ ആദ്യ ഘട്ടത്തില്‍ 60 ശതമാനം പോളിങ് രേഖപ്പെടുത്തിയിരുന്നു. രണ്ടാം ഘട്ടത്തില്‍ പോളിങ് ബൂത്തിലേക്ക് പോകുന്ന മണ്ഡലങ്ങളില്‍ ന്യൂനപക്ഷ വോട്ടുകള്‍ നിര്‍ണായകമാണ്. ജയിലിലുള്ള അസംഖാനും മകന്‍ അബ്ദുല്ലയും മത്സരരംഗത്തുണ്ട്. 55ല്‍ മൂന്ന് സീറ്റുകള്‍ ആര്‍.എല്‍.ഡിക്കായി മാറ്റിവച്ച എ.സ്പിക്ക് ഈ ഘട്ടം പ്രധാനമാണ്.