തൃശൂര്‍: കൊടകര കുഴല്‍പ്പണക്കേസുമായി ബന്ധപ്പെട്ട് ബി.ജെ.പിയുടെ സംസ്ഥാന കമ്മിറ്റി പേജില്‍ ട്രോള്‍മഴ. വെറും മഴയല്ല പെരുമഴ. സംസ്ഥാന പ്രസിഡന്റ് കെ സുരേന്ദ്രനെ പിന്തുണച്ചുകൊണ്ട് ഇട്ട പ്രൊഫൈല്‍ ചിത്രത്തിന്റെ ഫ്രെയിമിലാണ് ട്രോളന്മാര്‍ പെരുങ്കളിയാട്ടമാടുന്നത്.

കൊടകര കുഴല്‍പ്പണക്കേസുമായി ബന്ധപ്പെട്ട് ആരോപണവിധേയനായി നില്‍ക്കുന്ന സുരേന്ദ്രനെതിരെ വ്യാപക വിമര്‍ശനം നടക്കുന്ന സാഹചര്യത്തിലാണ് സുരേന്ദ്രനെ പിന്തുണച്ച് ബി.ജെ.പിയുടെ സംസ്ഥാന കമ്മിറ്റി പേജില്‍ പ്രൊഫൈല്‍ ഫ്രെയിം ക്യാമ്പയിന്‍ ആരംഭിച്ചത്.

രസകരമായ കമന്റുകളാണ് പോസ്റ്റിന് താഴെ. രണ്ട് ദിവസമാവും മുമ്പ് 5.6k കമന്റുകളുണ്ട്. ഭൂരിഭാഗവും സുരേന്ദ്രനേയും ബി.ജെ.പിയേയും ട്രോളുന്നത്.