ന്യൂഡല്‍ഹി: കൊവിഡ് വാക്സിന്‍ പ്രോത്സാഹിപ്പിക്കാന്‍ ആകര്‍ഷകമായ വാഗ്ദാനങ്ങളുമായി ബാങ്കുകള്‍. വാക്‌സിനെടുത്തവര്‍ക്ക് സ്ഥിരനിക്ഷേപത്തിന് കൂടുതല്‍ പലിശ വാഗ്ദാനം ചെയ്യുന്നതാണ് സ്‌കീം.

പുതിയ നിക്ഷേപങ്ങള്‍ക്കാണ് അധിക പലിശ വാഗ്ദാനം ചെയ്തിരിക്കുന്നത്. ഒരു ഡോസെങ്കിലും വാക്സിനെടുത്തവര്‍ക്ക് സ്ഥിരനിക്ഷേപനത്തിന് 0.30 ശതമാനം അധികപലിശയാണ് യൂക്കോ ബാങ്ക് വാഗ്ദാനം ചെയ്യുന്നത്. 999 ദിവസം കാലാവധിയുള്ള നിക്ഷേപത്തിനാണ് അധിക പലിശ ലഭിക്കുക.

സെന്‍ട്രല്‍ ബാങ്കിന്റെ പദ്ധതി പ്രകാരം വാക്സിനെടുത്ത നിക്ഷേപകര്‍ക്ക് കാല്‍ശതമാനം പലിശയാണ് അധികം നല്‍കുക. ഇമ്യൂണ്‍ ഇന്ത്യ ഡെപ്പോസിറ്റി സ്‌കീം എന്ന പേരിലാണ് പദ്ധതി അറിയപ്പെടുന്നത്. 1,111 ദിവസം കാലാവധിയുള്ള നിക്ഷപങ്ങള്‍ക്കാണ് വര്‍ധിപ്പിച്ച പലിശ ലഭിക്കുക.