[
ജിദ്ദ: കൊല്ലം നെടുമ്പന കുളപ്പാടം സ്വദേശി പാറപ്പുറത്ത് വീട് നിസാമുദ്ധീന്‍ (52) കൊവിഡ് ബാധിച്ചു ജിദ്ദ കിങ് അബ്ദുല്‍ അസീസ് യൂണിവേഴ്‌സിറ്റി ആശുപത്രിയില്‍ വച്ച് മരണപ്പെട്ടു. ഒന്നര വര്‍ഷത്തെ അവധി കഴിഞ്ഞു മെയ് മൂന്നിനാണ് ഇദ്ദേഹം മാലിദ്വീപ് വഴി ദമാമില്‍ വന്നിറങ്ങിയത്. പിന്നീട് ജിദ്ദയില്‍ എത്തിയ അദ്ദേഹത്തിന് കൊവിഡ് ബാധിക്കുകയും തുടര്‍ന്ന് ജാമിഅഃ ആശുപത്രിയില്‍ പ്രവേശിപപ്പിക്കുകയും ചെയ്തു. രോഗം മൂര്‍ച്ഛിച്ചതിനെതുടര്‍ന്ന് ഇന്നലെ ഉച്ചയോടെ മരണപ്പെട്ടു. കഴിഞ്ഞ 27 വര്‍ഷമായി പ്രവാസിയായ ഇദ്ദേഹം അല്‍ ജൗഹറ ഡിസ്ട്രിക്റ്റില്‍ അല്‍ മുഹൈദിബ് വാട്ടര്‍ ടാങ്ക് കമ്പനിയില്‍ സ്റ്റോര്‍ കീപ്പര്‍ ആയി ജോലി ചെയ്ത് വരുകയായിരുന്നു.പിതാവ് : സലാഹുദ്ധീന്‍ മാതാവ്: ജമീല ബീവി ഭാര്യ: ആമിന മക്കള്‍: മുഹമ്മദ് ബിലാല്‍, അസറുദ്ധീന്‍.നിയമ നടപടികകള്‍ക്കായി സുഹൃത്ത് സജീഷ്, ഐ എസ് എഫ് പ്രവര്‍ത്തകരായ മുഹമ്മദ് ഷാഫി, മസ്ഊദ്, ഹബീബ് എന്നിവര്‍ രംഗത്തുണ്ട്.