സിആര്‍പിഎഫില്‍ വിവിധ തസ്തികകളില്‍ ഒഴിവുകള്‍; അപേക്ഷ സമര്‍പ്പിക്കേണ്ട രീതി അറിയാം

ന്യുഡല്‍ഹി: സെന്‍ട്രല്‍ റിസര്‍വ് പൊലിസ് ഫോഴ്‌സ് (സിആര്‍പിഎഫ്) സബ് ഇന്‍സ്‌പെക്ടര്‍, അസിസ്റ്റന്റ് സബ് ഇന്‍സ്‌പെക്ടര്‍ തസ്തികകളിലേക്ക് അപേക്ഷ ക്ഷണിക്കുന്നു. അപേക്ഷാ നടപടികള്‍ മെയ് ഒന്നിന് ആരംഭിക്കും. അപേക്ഷകള്‍ സമര്‍പ്പിക്കാനുള്ള അവസാന തിയതി മെയ് 21 ആണ്. താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് ഔദ്യോഗിക വെബ്‌സൈറ്റായ rect.crpf.gov.in വഴി ഓണ്‍ലൈനായി അപേക്ഷിക്കാം. ഈ റിക്രൂട്‌മെന്റ് ഡ്രൈവ് വഴി 212 ഒഴിവുകളിലേക്കാണ് നിയമനം നടത്തുന്നത്. അസിസ്റ്റന്റ് സബ് ഇന്‍സ്‌പെക്ടര്‍ തസ്തികയിലേക്കുള്ള ഉദ്യോഗാര്‍ഥിയുടെ പ്രായം 18 നും 25 നും ഇടയില്‍ ആയിരിക്കണം.

ഒഴിവുകളുടെ വിശദാംശങ്ങള്‍

സബ് ഇന്‍സ്‌പെക്ടര്‍ (ആര്‍ഒ): 19 തസ്തികകള്‍
സബ് ഇന്‍സ്‌പെക്ടര്‍ (ക്രിപ്‌റ്റോ): 7 തസ്തികകള്‍
സബ് ഇന്‍സ്‌പെക്ടര്‍ (ടെക്‌നിക്കല്‍): 5 തസ്തികകള്‍
സബ് ഇന്‍സ്‌പെക്ടര്‍ (സിവില്‍) (പുരുഷന്മാര്‍): 20 തസ്തികകള്‍
അസിസ്റ്റന്റ് സബ് ഇന്‍സ്‌പെക്ടര്‍ (ടെക്‌നിക്കല്‍): 146 തസ്തികകള്‍
അസിസ്റ്റന്റ് സബ് ഇന്‍സ്‌പെക്ടര്‍ (ഡ്രാഫ്റ്റ്‌സ്മാന്‍): 15 തസ്തികകള്‍

സബ്ഇന്‍സ്‌പെക്ടര്‍ (ആര്‍ഒ): അപേക്ഷകര്‍ക്ക് മാത്തമാറ്റിക്‌സ്, ഫിസിക്‌സ് അല്ലെങ്കില്‍ കമ്പ്യൂട്ടര്‍ സയന്‍സ് വിഷയങ്ങളുള്ള അംഗീകൃത സര്‍വകലാശാലയില്‍ നിന്ന് ബിരുദമോ തത്തുല്യമോ ഉണ്ടായിരിക്കണം.

സബ് ഇന്‍സ്‌പെക്ടര്‍ (ക്രിപ്‌റ്റോ): ഉദ്യോഗാര്‍ത്ഥികള്‍ക്ക് മാത്തമാറ്റിക്‌സും ഫിസിക്‌സും വിഷയങ്ങളുള്ള അംഗീകൃത സര്‍വകലാശാലയില്‍ നിന്ന് ബിരുദമോ തത്തുല്യമോ ഉണ്ടായിരിക്കണം.

സബ്ഇന്‍സ്‌പെക്ടര്‍ (ടെക്‌നിക്കല്‍): ഉദ്യോഗാര്‍ത്ഥികള്‍ക്ക് പ്രധാന വിഷയമായി ഇലക്ട്രോണിക്‌സ് അല്ലെങ്കില്‍ ടെലികമ്മ്യൂണിക്കേഷന്‍ അല്ലെങ്കില്‍ കമ്പ്യൂട്ടര്‍ സയന്‍സില്‍ ബിഇ/ബിടെക് അല്ലെങ്കില്‍ തത്തുല്യം അല്ലെങ്കില്‍ ഇന്‍സ്റ്റിറ്റിയൂഷന്‍ ഓഫ് എഞ്ചിനീയേഴ്‌സ് അല്ലെങ്കില്‍ ഇന്‍സ്റ്റിറ്റിയൂഷന്‍ ഓഫ് ഇലക്‌ട്രോണിക്‌സ് ആന്‍ഡ് ടെലികമ്മ്യൂണിക്കേഷന്‍ എഞ്ചിനീയര്‍മാരുടെ യോഗ്യത ഉണ്ടായിരിക്കണം.

സബ് ഇന്‍സ്‌പെക്ടര്‍ (സിവില്‍) (പുരുഷന്മാര്‍): ഉദ്യോഗാര്‍ത്ഥികള്‍ക്ക് അംഗീകൃത ബോര്‍ഡ്/ സ്ഥാപനം അല്ലെങ്കില്‍ യൂണിവേഴ്‌സിറ്റി അല്ലെങ്കില്‍ തത്തുല്യമായ സിവില്‍ എഞ്ചിനീയറിംഗില്‍ മൂന്ന് വര്‍ഷത്തെ ഡിപ്ലോമ ഉള്ള ഒരു ഇന്റര്‍മീഡിയറ്റ് ഉണ്ടായിരിക്കണം.

അസിസ്റ്റന്റ് സബ്ഇന്‍സ്‌പെക്ടര്‍ (ടെക്‌നിക്കല്‍): ഉദ്യോഗാര്‍ത്ഥികള്‍ക്ക് അംഗീകൃത ബോര്‍ഡില്‍ നിന്ന് 10ാം ക്ലാസ് പാസായിരിക്കണം, അംഗീകൃത ഇന്‍സ്റ്റിറ്റ്യൂട്ടില്‍ നിന്ന് റേഡിയോ എഞ്ചിനീയറിംഗിലോ ഇലക്ട്രോണിക്‌സിലോ കമ്പ്യൂട്ടറിലോ മൂന്ന് വര്‍ഷത്തെ ഡിപ്ലോമയും ഉണ്ടായിരിക്കണം.

അസിസ്റ്റന്റ് സബ്ഇന്‍സ്‌പെക്ടര്‍ (ഡ്രാഫ്റ്റ്‌സ്മാന്‍): ഉദ്യോഗാര്‍ത്ഥികള്‍ക്ക് അംഗീകൃത ബോര്‍ഡില്‍ നിന്ന് ഇംഗ്ലീഷ്, ജനറല്‍ സയന്‍സ്, മാത്തമാറ്റിക്‌സ് എന്നിവയ്‌ക്കൊപ്പം മെട്രിക്‌സില്‍ വിജയിച്ചിരിക്കണം, കൂടാതെ ഒരു സര്‍ക്കാര്‍ അംഗീകൃത പോളിടെക്‌നിക്കില്‍ നിന്ന് ഡ്രാഫ്റ്റ്‌സ്മാന്‍ കോഴ്‌സില്‍ (സിവില്‍ / മെക്കാനിക്കല്‍ എഞ്ചിനീയറിംഗ്) മൂന്ന് വര്‍ഷത്തെ ഡിപ്ലോമയും ഉണ്ടായിരിക്കണം.