കൊച്ചി: മലബാര്‍ ഹാര്‍ട്ട് ഫൗണ്ടേഷന്റെ നേതൃത്വത്തില്‍ ആയിരം ഹൃദ്രോഗികള്‍ക്ക് സൗജന്യ ഹൃദയശസ്ത്രക്രിയ നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.

സംസ്ഥാനത്ത് ഹൃദയാഘാത നിരക്ക് ഗണ്യമായി വര്‍ദ്ധിച്ചു വരുന്ന സാഹചര്യത്തില്‍ സാമ്പത്തികമായി പിന്നോക്കം നില്‍ക്കുന്ന രോഗികളുടെ ഹൃദയശസ്ത്രക്രിയയ്ക്ക് സര്‍ക്കാര്‍ ആശുപത്രികളിലുണ്ടാവുന്ന കാലതാമസവും കണക്കിലെടുത്ത് സന്നദ്ധ സംഘടനകളുടെയും വിവിധ സ്വകാര്യ ആശുപത്രികളുടെയും സഹകരണത്തോടെയാണ് ശസ്ത്രക്രിയ നടത്തുന്നത്.നിലവില്‍ സംസ്ഥാനത്തെ സര്‍ക്കാര്‍ ആശുപത്രികളില്‍ മെച്ചപ്പെട്ട ഹൃദയശസ്ത്രക്രിയയ്ക്കുള്ള സംവിധാനമില്ലെന്നും ഫൗണ്ടേഷന്‍ ഭാരവാഹികള്‍ പറഞ്ഞു.

പാവപ്പെട്ട രോഗികള്‍ക്ക് സൗജന്യ ശസ്ത്രക്രിയ ചെയ്തു കൊണ്ട് 'നോ മോര്‍ ഹാര്‍ട്ട് അറ്റാക്ക് ബൈ 2025' എന്ന ലക്ഷ്യവുമായാണ് പദ്ധതി നടപ്പാക്കുന്നത്. മുതിര്‍ന്നവര്‍ക്കും കുട്ടികള്‍ക്കും ആനുകൂല്യത്തിനായി അപേക്ഷിക്കാം.

സാമ്പത്തിക സഹായം ആവശ്യമുള്ള രോഗികള്‍ക്ക് www.malabarheartfound-ation.com എന്ന വെബ്‌സൈറ്റില്‍ രജിസ്റ്റര്‍ ചെയ്യാവുന്നതാണ്. ഡോ. കുല്‍ദീപ് കുമാര്‍ ചുള്ളിപ്പറമ്പില്‍, വേണു മേനോന്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു. വിവിരങ്ങള്‍ക്ക്: 9961014446.