പൊള്ളാച്ചിയില്‍ കോളജ് വിദ്യാര്‍ഥിനിയുടെ കൊലപാതകം; ദമ്പതികള്‍ കണ്ണൂരില്‍ അറസ്റ്റില്‍

കണ്ണൂര്‍: പൊള്ളാച്ചിയില്‍ കോളജ് വിദ്യാര്‍ഥിനെ കൊലപ്പെടുത്തിയ കേസില്‍ പ്രതികളായ ദമ്പതികള്‍ കണ്ണൂരില്‍ പിടിയില്‍. കോയമ്പത്തൂര്‍ ഇടയാര്‍പാളയം സ്വദേശിയും സ്വകാര്യ കോളജില്‍ ബിരുദ വിദ്യാര്‍ഥിനിയുമായ സുബ്ബലക്ഷ്മി(20) കൊല്ലപ്പെട്ടകേസില്‍ ഇടയാര്‍പാളയം സ്വദേശി സുജയ്(30) ഇയാളുടെ ഭാര്യ കോട്ടയം സ്വദേശി രേഷ്മ(25) എന്നിവരെയാണ് കണ്ണൂര്‍ പൊലിസ് അറസ്റ്റ് ചെയ്തത്.

മെയ് രണ്ടിനാണ് സുബ്ബലക്ഷ്മിയെ ഓണ്‍ലൈന്‍ വ്യാപാരിയായ സുജയിന്റെ അപാര്‍ട്‌മെന്റില്‍ കുത്തേറ്റുമരിച്ച നിലയില്‍ കണ്ടെത്തിയത്. കൊലപാതകത്തിന് പിന്നാലെ പ്രതികള്‍ ബൈക്കില്‍ കേരളത്തിലേക്ക് കടന്നുവെന്ന് വിവരം ലഭിച്ചിരുന്നു. കണ്ണൂരിലെ ലോഡ്ജില്‍ വച്ചാണ് ഇരുവരും പിടിയിലായത്. രക്ഷപ്പെടാന്‍ ഉപയോഗിച്ച ബൈക്കും കസ്റ്റഡിയിലെടുത്തു. കണ്ണൂര്‍ സിറ്റി പൊലിസിന്റെ സഹായത്തോടെയാണ് പ്രതികളെ കസ്റ്റഡിയിലെടുത്തത്. ഇവരെ തമിഴ്‌നാട് പൊലിസിന് കൈമാറി.