തിരുവനന്തപുരം: രാഹുല്‍ ഗാന്ധി എം.പിയുടെ ഓഫിസ് ആക്രമണത്തില്‍ പ്രതികരണവുമായി കെ.പി.സി.സി അധ്യക്ഷന്‍ കെ.സുധാകരന്‍. കിരാതമായ തെണ്ടിത്തരമെന്നാണ് രാഹുല്‍ ഗാന്ധിയുടെ ഓഫിസ് ആക്രമണത്തെ കെ.സുധാകരന്‍ വിശേഷിപ്പിച്ചത്.

തിരിച്ചടിക്കേണ്ടിടത്ത് കോണ്‍ഗ്രസ് തിരിച്ചടിക്കും. അതിനുള്ള ശേഷി പാര്‍ട്ടിക്കുണ്ട്.ആക്രമണം സംബന്ധിച്ച് മുഖ്യമന്ത്രിയുടെ പ്രതികരണത്തില്‍ ആത്മാര്‍ഥതയുണ്ടെങ്കില്‍ പൊലിസുകാര്‍ക്കെതിരെ നടപടിയെടുക്കുകയാണ് വേണ്ടത്.

പൊലിസുകാരുടെ ഒത്താശയോടെയാണ് എസ്.എഫ്.ഐയുടെ ആക്രമണമുണ്ടായതെന്നും സുധാകരന്‍ പറഞ്ഞു. അദ്ദേഹം വയനാട്ടിലേക്ക് തിരിച്ചിട്ടുണ്ട്.