ഡി.കെ ശിവകുമാര്‍, സിദ്ദരാമയ്യ, പ്രിയങ്ക് ഖാര്‍ഗെ..കോണ്‍ഗ്രസില്‍ പ്രമുഖര്‍ക്ക് വമ്പന്‍ ജയം

ബംഗളൂരു: കര്‍ണാടകയില്‍ വോട്ടെണ്ണല്‍ അവസാന ഘട്ടത്തില്‍. പാര്‍ട്ടിയുടെ പ്രമുഖ സ്ഥാനാര്‍ത്ഥികളെല്ലാം വന്‍ ഭൂരിപക്ഷത്തില്‍ വിജയിച്ചതായാണ് റിപ്പോര്‍ട്ടുകള്‍. കനകപുരയില്‍ ഡി.കെ ശിവകുമാര്‍ 46,485 വോട്ടിന് വിജയിച്ചു. വരുണയില്‍ സിദ്ധ
രാമയ്യ പതിനായിരത്തിലേറെ വോട്ടുകള്‍ക്ക് വിജയിച്ചു. ചിറ്റാപ്പൂരില്‍ പ്രിയങ്ക് ഖാര്‍ഗെ13,807 വോട്ടിന് വിജയിച്ചപ്പോള്‍ മംഗളൂരുവിലെ യുടി ഖാദറിന്റെ വിജയം 19,000ത്തിലേറെ വോട്ടിനാണ്.

അവസാന നിമിഷം ബി.ജെ.പിയില്‍ നിന്ന് കോണ്‍ഗ്രസിലെത്തിയ ലക്ഷമണ്‍ സാവഡിയും ജയം കൈപ്പിടിയിലൊതുക്കി. എന്നാല്‍ ജഗദീഷ് ഷെട്ടാറിന് പരാജയം ഏറ്റുവാങ്ങേണ്ടി വന്നു.