വാഷിങ്ടണ്‍: നോവലിസ്റ്റും ജീവകാരുണ്യ പ്രവര്‍ത്തകയും ആമസോണ്‍ സ്ഥാപകന്‍ ജെഫ് ബിസോസിന്റെ മുന്‍ ഭാര്യയുമായ മക്കന്‍സി സ്‌കോട്ട് ഈയിടെ ദാനം നല്‍കിയത് 270 കോടി ഡോളര്‍ (ഏകദേശം 19,700 കോടി രൂപ).
ഇന്ത്യയിലെ ഉള്‍പ്പെടെയുള്ള 283 ജീവകാരുണ്യ സംഘടനകള്‍ക്കാണ് പണം നല്‍കിയത്.
2019 ല്‍ ജെഫ് ബിസോസുമായുള്ള വിവാഹ മോചനത്തിന് ശേഷം ആദ്യമായാണ് അവര്‍ ജീവകാരുണ്യത്തിന് ഉപയോഗിച്ച പണത്തിന്റെ കണക്ക് പുറത്തുവിട്ടത്.
5900 കോടി ഡോളര്‍ (43.24 ലക്ഷം കോടി രൂപ) ആണ് ഇവരുടെ ആസ്തി. സ്‌കോട്ട് നേരത്തെയും വന്‍ തുക ജീവകാരുണ്യ പ്രവര്‍ത്തനത്തിന് നല്‍കിയിരുന്നു. ജൂലൈ വരെ 850 കോടി ഡോളറാണ് (62,337 കോടി രൂപ) ഇവര്‍ ദാനം ചെയ്തത്.