മാഞ്ചസ്റ്റര്‍: മാഞ്ചസ്റ്റര്‍ സിറ്റിയുടെ ബ്രസീലിയന്‍ മുന്നേറ്റനിര താരം ഗബ്രിയേല്‍ ജീസുസിനെ ആഴ്‌സണല്‍ സ്വന്തമാക്കി. 45 മില്യണ്‍ യൂറോ നല്‍കിയാണ് ജീസുസിനെ ആഴ്‌സണല്‍ സ്വന്തമാക്കിയത്.

 

ജിസുസും ആഴ്‌സണലും തമ്മില്‍ വേതന കാര്യം കൂടെ ധാരണ ആയതോടെ ആണ് ട്രാന്‍സ്ഫര്‍ പൂര്‍ത്തിയായത്. 2027വരെയുള്ള കരാര്‍ ജീസുസ് ആഴ്‌സണലില്‍ ഒപ്പുവെച്ചു.

 

ഈ വരുന്ന സീസണിലേക്ക് ആഴ്‌സണല്‍ തങ്ങളുടെ പ്രധാന ട്രാന്‍സ്ഫര്‍ ടാര്‍ഗറ്റായി തീരുമാനിച്ചിരുന്നത് ജീസുസിനെ ആയിരുന്നു. ഹാളണ്ടിനെ സിറ്റി ടീമില്‍ എത്തിച്ചത് മുതല്‍ ജീസുസ് ക്ലബ് വിടാന്‍ ശ്രമിക്കുന്നുണ്ടായിരുന്നു.

 

ജീസുസ് 2017 മുതല്‍ മാഞ്ചസ്റ്റര്‍ സിറ്റിക്ക് ഒപ്പം ഉണ്ട്. 150ല്‍ അധികം മത്സരങ്ങള്‍ താരം സിറ്റിക്ക് ഒപ്പം കളിച്ചിട്ടുണ്ട്.