ദുബൈ: ദുബൈയിലെ ഗള്‍ഫ് ഇന്ത്യന്‍ ഹൈസ്‌കൂള്‍ സ്ഥാപകനും ചെയര്‍പേഴ്‌സണുമായ ജോണ്‍ എം. തോമസ്(79) നിര്യാതനായി. വിദ്യാര്‍ത്ഥികള്‍ക്കും രക്ഷിതാക്കള്‍ക്കും അയച്ച സന്ദേശത്തില്‍ സ്‌കൂള്‍ മാനേജ്മെന്റാണ് ഇക്കാര്യം അറിയിച്ചത്.1943 ഏപ്രില്‍ 28ന് പത്തനംതിട്ട ജില്ലയില്‍ ജനിച്ച ജോണ്‍ തോമസ് വിദ്യാഭ്യാസ രംഗത്തും ജീവകാരുണ്യ പ്രവര്‍ത്തനങ്ങളിലും സജീവമായിരുന്നു. 1979ലാണ് ഗള്‍ഫ് ഇന്ത്യന്‍ ഹൈസ്‌കൂള്‍ സ്ഥാപിച്ചത്. ഭാര്യ: അന്നമ്മ ജോണ്‍, മകന്‍: വിന്‍ ജോണ്‍, മകള്‍: വില്‍സി.