പാലക്കാട്: വാളയാറില്‍ കോളജ് ബസ്സിനുള്ളില്‍ കയറി വിദ്യാര്‍ത്ഥികളെ മര്‍ദ്ദിച്ച സംഭവത്തില്‍ അഞ്ചുപേര്‍ അറസ്റ്റില്‍. കഞ്ചിക്കോട് സ്വദേശികളായ രോഹിത്, സുജീഷ്, സത്യദത്ത്, നിഖില്‍, അക്ബര്‍ എന്നിവരാണ് അറസ്റ്റിലായത്. അറസ്റ്റിലായ പ്രതികളില്‍ രോഹിത് വിദ്യാര്‍ത്ഥിയാണ്. ബാക്കിയുള്ള നാല് പേര്‍ ബിജെപി ബന്ധമുള്ളവരാണെന്ന് പൊലിസ് പറഞ്ഞു.

കോളജ് ബസിലെ യാത്രയെച്ചൊല്ലിയുള്ള തര്‍ക്കമാണ് സംഘര്‍ഷത്തിന് കാരണമായി പൊലീസ് പറയുന്നത്. വാളയാറില്‍ ഓടിക്കൊണ്ടിരിക്കുന്ന കോളജ് ബസ് തടഞ്ഞ് നിര്‍ത്തിയാണ് വിദ്യാര്‍ത്ഥികളെ ആക്രമിച്ചത്. ആക്രമണത്തില്‍ പെണ്‍കുട്ടികളടക്കം പത്തിലധികം വിദ്യാര്‍ഥികള്‍ക്കു പരുക്കേറ്റിരുന്നു.