നിയമസഭയിലെ സ്പീക്കര്‍ പദവിയില്‍ നിന്നും എംബി രാജേഷ്, പിണറായി മന്ത്രിസഭയിലെ മന്ത്രിപദവിയില്‍  സത്യപ്രതിജ്ഞ ചെയ്തു. നിലവില്‍ സംസ്ഥാന സമിതി അംഗമായാണ് സത്യപ്രതിജ്ഞ ചെയ്തത്.എം വി ഗോവിന്ദനെ സിപിഎം സംസ്ഥാന സെക്രട്ടറിയായി നിയമിച്ചതിനെ തുടര്‍ന്നാണ് മന്ത്രി സഭയില്‍ അഴിച്ചുപണി നടന്നത്.

രാജ്ഭവനില്‍ നടന്ന ചടങ്ങില്‍ ഗവര്‍ണര്‍ ആരിഫ് മുഹമ്മദ് ഖാന്‍ സത്യവാചകം ചൊല്ലിക്കൊടുത്തു. എം വി ഗോവിന്ദന്‍ കൈകാര്യം ചെയ്തിരുന്ന തദ്ദേശ സ്വയംഭരണ എക്‌സൈസ് വകുപ്പുകള്‍ തന്നെയായിരിക്കും രാജേഷിന് നല്‍കുക എന്നാണ് സൂചന. തൃത്താല യില്‍ നിന്നും നിയമസഭാംഗമായ എം.ബി രാജേഷ് രണ്ട് തവണ ലോക്‌സഭ അംഗവുമായിരുന്നു.

രാജേഷ് രാജി വെച്ച സ്പീക്കര്‍ സ്ഥാനത്തേക്ക് എ.എന്‍ ഷംസീര്‍ നെ നിയോഗിക്കും. ഓണത്തിന് ശേഷമാണ് ഷംസീര്‍ ചുമതലയേല്‍ക്കുക.