തിരുവനന്തപുരം: തിരുവനന്തപുരം ഫോര്‍ട്ട് ആശുപത്രിയില്‍ വനിത ഡോക്ടര്‍ക്ക് നേരെ കയ്യേറ്റം. രാത്രിയിലുണ്ടായിരുന്ന ഡ്യൂട്ടി ഡോക്ടറെയാണ് രണ്ടംഗസംഘം കയ്യേറ്റം ചെയ്തത്.

മദ്യലഹരിയിലായിരുന്ന പ്രതികളിലൊരാളെ ഫോര്‍ട്ട് പൊലിസ് അറസ്റ്റ് ചെയ്തു. ക്യു നില്‍ക്കാന്‍ ആവശ്യപ്പെട്ടപ്പോഴാണ് പ്രകോപിതരായ ഇുരുവര്‍ സംഘം ഡോക്ടറെ കയ്യേറ്റം ചെയ്തത്. ഇതില്‍ റഷീദ് എന്നയാളെ പൊലിസ് അറസ്റ്റ് ചെയ്തു. മര്‍ദ്ദനത്തില്‍ പരിക്കേറ്റ ഡോക്ടര്‍ ജനറല്‍ ആശുപത്രിയില്‍ ചികിത്സയിലാണ്. കയ്യേറ്റം തടയാന്‍ ശ്രമിച്ച സെക്യൂരിറ്റി ജീവനക്കാരനെയും മര്‍ദ്ദിച്ചതായി പരാതിയില്‍ പറയുന്നു.