തിരുവനന്തപുരം: കൊവിഡ് സാഹചര്യത്തില്‍ സ്‌കൂളുകള്‍ തുറക്കാനിരിക്കെ സര്‍ക്കാര്‍ മാര്‍ഗരേഖ തയ്യാറാക്കി. ഒന്ന് മുതല്‍ ഏഴാം ക്ലാസ് വരെ ഒരു ബെഞ്ചില്‍ ഒരു കുട്ടിമാത്രം. എല്‍.പി തലത്തില്‍ ഒരു ക്ലാസില്‍ 10 കുട്ടികള്‍, യു.പിമുതല്‍ 20 കുട്ടികള്‍ മാത്രമെന്നും മാര്‍ഗരേഖയില്‍ പറയുന്നു.

ആദ്യ ഘട്ടത്തിൽ ഇല്ല സ്കൂളുകളിൽ  ഉച്ച ഭക്ഷണം ഉണ്ടാവില്ല. അവസ്ഥ വിലയിരുത്തിയ ശേഷം ഉച്ച ഭക്ഷണ വിതരണം പരിഗണിക്കും. ആരോ​ഗ്യ,വിദ്യാഭ്യാസ വകുപ്പുകൾ സംയുക്തമായി തയ്യാറാക്കിയ  മാർഗ്ഗ രേഖ മുഖ്യമന്ത്രിക്ക് കൈമാറും. അന്തിമ മാർ​ഗരേഖ നാളെ പുറത്തിറക്കിയേക്കും.