തളിപ്പറമ്പ്: ഇസ്‌ലാം മാനവികതയും സ്‌നേഹവും സൗഹാര്‍ദവും പഠിപ്പിക്കുന്ന മതമാണെന്നും തീവ്രവാദത്തിനു കുഴലൂത്ത് നടത്തുന്നവര്‍ ഖുര്‍ആനെ അടുത്തറിയാത്തവരാണെന്നും പാണക്കാട് സയ്യിദ് റഷീദലി ശിഹാബ് തങ്ങള്‍.
തളിപ്പറമ്പ് ഇസ്‌ലാമിക് സെന്റര്‍ കമ്മിറ്റി പുഷ്പഗിരി ഖദീജത്തുല്‍ ഖുബ്ര ഹിഫ്‌ളുല്‍ ഖുര്‍ആന്‍ മദ്‌റസാ ക്യാംപസില്‍ സംഘടിപ്പിച്ച ജലീല്‍ റഹ്മാനി വാണിയന്നൂരിന്റെ മാസാന്ത ഖുര്‍ആന്‍ പ്രഭാഷണത്തിന്റെ ഉദ്ഘാടനം ചെയ്യുകയായിരുന്നു അദ്ദേഹം. ഉമര്‍ നദ്‌വി തോട്ടീക്കല്‍ അധ്യക്ഷനായി. ഹാഫിസ് അബ്ദുല്ല ഫൈസി ഉദ്‌ബോധനം നടത്തി. ജലീല്‍ റഹ്മാനി മുഖ്യപ്രഭാഷണം നടത്തി. ഹസന്‍ ദാരിമി, ഷംസുദ്ധീന്‍ ഹസനി സംസാരിച്ചു.